Ná déan nós agus ná bris nós a deirtear ach tá NÓS eile ann atá ag dul ó neart go neart, é ag caitheamh dusta draíochta na 21ú haois ar an Ghaeilge.
Tá an iris ar-líne faoi stiúir Thomaí Uí Chonghaile ar cheann de na tograí is mó a léiríonn go bhfuil todhchaí na teanga slán cionn is gur ann do thairseach chriticiúil de Ghaeil óga fuinniúla, cumasacha a bhfuil mianach iontu ag baint suilt agus úsáide as an teanga.
Agus tá áiseanna ar fáil i ngach réimse le freastal ar an ghlúin chorraitheach seo, sa cheol ach go háirithe agus sin an ghné atá á cur chun cinn ag NÓS ina gcomórtas úr, Gradaim Cheoil Nós, 2015.
“Shocraigh muid na Gradaim Cheoil seo a chur ar bun chun aitheantas a thabhairt do na ceoltóirí éagsúla atá ag cumadh agus ag ceol inár dteanga féin, agus chun ceiliúradh a dhéanamh ar an méid atá bainte amach acu le linn 2015,” arsa Tomaí Ó Conghaile, Eagarthóir NÓS.
“Ba mhór an spéis a léiríodh sna Gradaim le mí anuas agus bhí áthas an domhain orainn an oiread ainmniúchán a fháil.
“Le bheith ionraic, níor shíl mé gur scríobhadh 35 amhrán nua Gaeilge i mbliana ach tá go leor amhránaithe iontacha agus bannaí cumasacha amuigh ansin anois ag ceol trí mheán na teanga, idir iad siúd atá aitheanta cheana agus iad atá díreach i ndiaidh tosú ar a mbóthar ceoil,” arsa Tomaí.
Chuir painéal saineolaithe an gearrliosta le cheile haghaidh - Colm Mac Con Iomaire, Ben Ó Faoláin, Lynette Fay, Barbara Nic Dhonncha agus Ciarán Ó Meachair ach beidh an vótáil phoiblí don ghig bheo is fearr oscailte go 31 Nollaig 2015.
Agus coinnigh an Aoine 8 Eanáir 2016 saor mar sin oíche bhronnta na ngradam a bheidh ar siúl sa Sugar Club, i mBaile Átha Cliath.
Níl ach €15 ar thicéad, agus is féidir iad a ordú agus gach eolas eile a fháil ar Ghradaim Cheoil Nós, 2015 ag www.nos.ie/gradaim
AN GEARRLIOSTA
AMHRÁN NA BLIANA
Amhrán na Farraige – Lisa Hannigan
Ar Ais go Gaoth Dobhair – Emma Ní Fhíoruisce
Beatha Úr – Doimnic Mac Giolla Bhríde
Cogadh no Sìth – Griogair
Fun Orm – IMLÉ
Go Beo Go Deo na nDeor – Enda Reilly & Séamus Barra Ó Súilleabháin
Purgadóir – Rís
Roisín Dubh – Dysania
Suantraí Meisciúil – Janet Devlin
Solas – Eve Belle
Suas Síos – Kíla
Súile – Clann Mhic Ruairí
ALBAM NA BLIANA (NUACHEOL)
An Taobh Tuathail – Tuath
An Treo Eile – Dysania
Suas Síos – Kíla
Yahú – Rís
ALBAM NA BLIANA (AMHRÁIN THRAIDISIÚNTA)
An Caitlín Ban – De Barra
An Mhaighdean Mhara – Noeleen Ní Cholla
Fuaim an Chiúnais – An Crann Óg
Gaelré – Gráinne Holland
In Am Trátha – Líadan
Sona do Cheird – Doimnic Mac Giolla Bhríde
Súile – Clann Mhic Ruairí
FÍSEÁN NA BLIANA
Am – Kíla
An Crann Úll – An Crann Óg
An Drúcht Geal Ceo – Gráinne Holland
D’aon Ghuth Amháin – Seo Linn
Purgadóir – Rís
Tí Jude – Rís
Tine na nGael – TG Lurgan
Suas Síos – Kíla
NÚÍOSACH NA BLIANA
Cathal ‘Banjo’ Ó Curráin
Dysania
Emma Ní Fhíoruisce
IMLÉ
Lauren Ní Chasaide
Tuath
BANNA / CEOLTÓIR NA BLIANA
Boss Sound Manifesto
Bréag
Dysania
Emma Ní Fhíoruisce
Inni-K
JJ Ó Dochartaigh
Kíla
Rís
Seo Linn
Spats Colombo
Tuath
